តោះ! កុម្ម៉ង់បានឥឡូវនេះ បានទាំងតម្លៃល្អ បានទាំងកាដូរ

Published Date: Monday, July 9, 2018 11:41 PM

ពិសេស​ទៀតហើយ តោះ​ធ្វើការ​កុម្ម៉ង់​ទិញ​ទូរស័ព្ទ Y81 ស្មា​ត​ហ្វូ​ន​ស៊េរី​ថ្មី​របស់ vivo ដែល​អតិថិជន​ហាង សុខ លី ទាំងអស់​អាចធ្វើ​ការបញ្ជា​ទិញ​ទូរស័ព្ទ​នេះ​បាន​ចាប់ពី​ថ្ងៃនេះ​តទៅ ជាមួយនឹង​តម្លៃ​ពិសេស​ត្រឹមតែ 199 ដុល្លារ​ជាមួយនឹង​ការបន្ថែម​កាដូ​មួយចំនួន​ដូចជា​បំពង​ទឹក​រក្សា​កម្តៅ បណ្តោង V-Ring និង​ដង​សែ​ល​ហ្វី ដ៏​ស្រស់ស្អាត។

សម្រាប់​ទូរស័ព្ទ vivo Y81 នេះ វា​ជា​ស្មា​ត​ហ្វូ​ន​លំដាប់​កណ្តាល ស្ថិតក្នុង​ត្រកូល Y ជំនាន់​ថ្មី ដែល​ក្រុមហ៊ុន vivo បានធ្វើការ​ប្រកាស​ចេញ ក្នុងថ្ងៃនេះ តែម្តង​ដោយ​វា​មាន​លក្ខណៈសម្បត្តិ​ប្រសើរ​ច្រើន ទាំង​កម្លាំង​ម៉ាស៊ីន និង​ល្អ​សម្រាប់​ការប្រើប្រាស់​ទូទៅ។ ស្មា​ត​ហ្វូ​ន​នេះ បំពាក់​ជាមួយ​នូវ​កញ្ចក់​អេក្រង់ FullView ជំនាន់​ថ្មី ទំហំ 6.22 អ៊ីង ប្រភេទ IPS-LCD ជាមួយ​កំរិត​បង្ហាញ​រូបភាព HD+ ឬ 720×1520 ភិ​ច​សែ​ល និង​មាន​កម្រិត Aspect Ratio 19:9។ vivo Y81 មានភ្ជាប់​កាមេរ៉ា​ខាងមុខ​ទំហំ 5 មេ​ហ្គា​ភិ​ច​សែ​ល មាន​កម្រិត Aperture f/2.2 និង​មាន​មុខងារ AI Face Beauty ជួយ​លើក​សម្រស់ អោយ​ស្រស់ស្អាត ចំណែក​កាមេរ៉ា​ខាងក្រោយ​ទំហំ 13 មេ​ហ្គា​ភិ​ច​សែ​ល មាន​កម្រិត Aperture f/2.2 អាច​ផ្តិត​យក​រូបភាព បាន​ច្បាស់​គួរសម។

ក្នុងនោះ vivo ក៏បាន​បន្ថែម​មុខងារ Live Photo សម្រាប់​អ្នក​ចូលចិត្ត ថតរូប​បែប​មាន​ចលនា​ផងដែរ និង​មុខងារ Portrait សម្រាប់​អ្នក​ចូលចិត្ត ថតរូប​មាន​ព្រាល​ផ្ទាំង​ខាងក្រោយ។ នៅលើ​ផ្នែក​សុវត្ថិភាព វា​មានភ្ជាប់​ជាមួយនឹង​មុខងារ Face Access សម្រាប់​អនុញ្ញាតិ​អោយ​យើង ដោះ​សោរ​តាម​ការ​ស្កេ​ន​មុខ បាន​ថែមទៀត។

ចំពោះ​កម្លាំង​ម៉ាស៊ីន​វិញ ស្មា​ត​ហ្វូ​ន​នេះ ប្រើប្រាស់​បន្ទះ​ឈី​ប Helio P22,មាន CPU ចំនួន 8 គ្រាប់ អាច​រត់​ក្នុង​ល្បឿន 2.0GHz ប្រភេទ Cortex A53 និង​ប្រើ GPU PowerVR GE8320។ ស្មា​ត​ហ្វួ​ន​នេះ មាន​បំពាក់ RAM ទំហំ 3GB ជាមួយ​អង្គ​ផ្ទុក​ទិន្នន័យ​ខាងក្នុង​មាន​ទំហំ 32GB ដែល​អនុញ្ញាតអោយ​លោកអ្នក អាច​បន្ថែម​ម៉េ​ម៉ូ​រី​កាត micro SD ដល់ 256GB សម្រាប់​ពង្រីក​បន្ថែម ដោយ​មិនចាំបាច់​បារម្ភ​ពី​ការ​ឆាប់​ពេញ​ឡើយ។ vivo Y81 គឺ​ដំណើរការ​ដោយ​ប្រព័ន្ធ​ប្រតិបត្តិការ Android 8.1 Oreo Funtouch OS 4.0 ជំនាន់​ចុងក្រោយ ចេញពី​ប្រអប់​មក​ស្រាប់​តែម្តង និង​អាច​ប្រើប្រាស់​សេវា​បាន 4G LTE ផងដែរ៕