បែកធ្លាយរូបភាពថ្មី បង្ហាញថា Samsung ក៏នឹងមិនដាក់ក្បាលឆ្នាំងសាកនៅក្នុងប្រអប់របស់ Galaxy S21 Series ដែរ

Published Date: Wednesday, January 13, 2021 02:29 PM

តាមរយៈប្រភពល្បីៗ ក៏ដូចជារបាយការណ៍ជាច្រើនដែលទទួលបានកន្លងមក បានបង្ហាញថា Galaxy S21 Series អាចនឹងក្លាយទៅជាត្រកូលទូរសព្ទដំបូងគេរបស់ Samsung ដែលនឹងមិនភ្ជាប់មកជាមួយក្បាលឆ្នាំងសាកនៅក្នុងប្រអប់វេចខ្ចប់។ ចំពោះមូលហេតុវិញ ត្រូវបានគេជឿថាអាចនឹងដូច Apple និង Xiaomi អញ្ចឹងដែរ ដោយ Samung ចង់ចូលរួមចំណែកកាត់បន្ថយផលប៉ះពាល់ដល់បរិស្ថានពិភពលោក។

ដោយឡែកនៅក្នុងថ្ងៃនេះ តាមរយៈគេហទំព័រល្បីឈ្មោះ WinFuture យើងបានប្រទះឃើញរូបភាពបែកធ្លាយថ្មីជាច្រើនសន្លឹក ដែលបញ្ជាក់ឲ្យយើងដឹងកាន់តែច្បាស់ជាងមុនថា Samsung នឹងមិនដាក់ក្បាលឆ្នាំងសាកនៅក្នុងប្រអប់របស់ Galaxy S21, S21+ និង S21 Ultra មែន។ ជាងនេះទៅទៀត បើផ្អែកទៅលើរូបភាពទាំងនោះ ក៏បានធ្វើឲ្យយើងបានដឹងផងដែរថា នៅក្នុងប្រអប់វេចខ្ចប់របស់ Galaxy S21 Series នឹងភ្ជាប់មកជាមួយសៀវភៅណែនាំ ខ្សែ USB-C និងម្ជុលចាក់ SIM ប៉ុណ្ណោះ។ ដូច្នេះមានន័យថា សូម្បីតែកាសខ្សែ AKG ដែលយើងធ្លាប់ឃើញមាននៅក្នុងប្រអប់របស់ Galaxy S10 និង S20 Series ក៏មិនមាននៅក្នុងប្រអប់របស់ Galaxy S21 Series ដែរ។

ជាងនេះទៅទៀត Galaxy S21 Series ក៏អាចនឹងមិនភ្ជាប់មកជាមួយរន្ធបន្ថែម Memory microSD ពីខាងក្រៅផងដែរ នេះបើយោងទៅតាមការបង្ហើបរបស់ប្រភពខាងលើ។ ជាមួយគ្នានេះដែរ Galaxy S21 និង S21+ ក៏ត្រូវបានគេរំពឹងថា នឹងភ្ជាប់មកជាមួយជម្រើសអង្គផ្ទុកទិន្នន័យទំហំ 128/256GB ខណៈដែល Galaxy S21 Ultra នឹងភ្ជាប់មកជាមួយជម្រើសអង្គផ្ទុកទិន្នន័យទំហំ 128/256/512GB។

You May Read

មានដំណឹងថា Samsung កំពុងបន្លឿនក្នុងនាំយកបច្ចេកវិទ្យាកាមេរ៉ាថ្មី ដែលខ្លាំង និងទំនើបជាងមុន មកជំនួសបច្ចេកវិទ្យា OIS ដែលខ្លួនកំពុងប្រើ

Published Date: Tuesday, April 13, 2021 11:06 AM

ច្រើនឆ្នាំមកហើយ ដែលយើងបានឃើញបច្ចេកវិទ្យាទប់លំនឹងកាមេរ៉ា OIS នៅលើទូរសព្ទឆ្លាត ជាក់ស្ដែងសម្រាប់យីហោ Samsung គឺពិតជាបានប្រើប្រាស់បច្ចេកវិទ្យានេះ លើទូរ...

LG សន្យាទម្លាក់ការ Update ថ្មីរយៈពេល 3 ឆ្នាំ សម្រាប់ស្មាតហ្វូនមួយចំនួន ទោះខ្លួនចាកចេញពីសង្វៀនក៏ដោយ

Published Date: Tuesday, April 13, 2021 08:13 AM

កាលពីសប្តាហ៍មុននេះ ក្រុមហ៊ុន LG Electronics បានប្រកាស ខ្លួននឹងបិទអាជីវកម្មស្មាតហ្វូនរបស់ខ្លួននៅមុនថ្ងៃទី 31 ខែកក្កដានេះហើយ។ នៅពេលនេះ ក៏មានការលើកឡើង...

លេចចេញរូបរាងគំរូទូរស័ព្ទ Galaxy S21 FE កាន់តែច្បាស់ ដែលមានន័យថា វានឹងបង្ហាញខ្លួនក្នុងពេលឆាប់ៗនេះ

Published Date: Monday, April 12, 2021 05:34 PM

យោងតាមព័ត៌មានថ្មីដែលចេញផ្សាយកាលពីពេលថ្មីៗនេះ បាននិយាយថា ក្រុមហ៊ុន Samsung គឺមានគម្រោងនៅក្នុងការបង្ហាញវត្តមានស្មាតហ្វូន Galaxy S21 FE ឆាប់ៗនេះហើយ ស្...