ស្ងាត់ៗ HTC ប្រកាស់ចេញស្មាតហ្វូនត្រកូល One X ឡើងវិញ

Published Date: Friday, April 21, 2017 10:00 PM

ជាថ្មីម្ដងទៀង ក្រុមហ៊ុន​តៃវ៉ាន់ HTC បានប្រកាស​ចេញ​នូវ​ស្មាត​ហ្វូន​ធុន​កណ្ដាល​របស់​ខ្លួនត្រកូល One X ម្ដង​ទៀត​ហើយ ក្រោយស្ងាត់អស់មួយរយៈ ដោយសម្រុកខ្លាំងលើស្មាតហ្វូនត្រកូល U ។

ទូរស័ព្ទ One X10 មានរូបរាងប្រណិត​ស្រោប​ឡើង និងការពារដោយលោហៈទាំងអស់តែម្ដង និងមានវិមាត្រសរុប 152.9 x 75.6 x 8.23 មីលីម៉ែត្រ ទម្ងន់ 175 ក្រាម មានអេក្រង់ទំហំ 5.5 អ៊ីញ ការពារដោយកញ្ចក់ពពួក Corning Gorilla Glass និងប្រើប្រាស់​អេក្រង់ជា​ប្រភេ​ទ ​Super LCD មានសមត្ថភាពបង្ហាញរូបភាពបានកម្រិត FullHD ជាមួយកម្រិតដង់ស៊ីតេ 401ppi។ One X10 ប្រើប្រាស់បន្ទះឈីបរបស់ MediaTek Helio P10 SoC ជាប្រភេទឈីប Octa-core មាន​គ្រាប់ CPU ដល់ទៅ 10 គ្រាប់ មានសមត្ថភាពរត់នៅក្នុងល្បឿន 2.0GHz មាន GPU ជាប្រភេទ Mali-T860 អមមកជាមួយ RAM ទំហំ 3GB និងមានអង្គផ្ទុកទិន្នន័យទំហំ 32GB អាចបន្ថែមមេម៉ូរីពីខាងក្រៅបាន 2TB បាន។

ស្មាតហ្វូននេះមានកាមេរ៉ាខាងមុខទំហំ 8 MP មានទំហំសេនស័រ 1.12um កម្រិត Aperture ធំបំផុត f/2.2 អាចឱ្យ​អ្នក​ ថតវីដេ​អូ​បាន​កម្រិត 1080p និងមានកាមេរ៉ាក្រោយទំហំ 16 MP ជាមួយទំហំសេនស័រ​ 1um កម្រិត Aperture ធំបំផុត f/2.0 អមមកជាមួយភ្លើង LED ពីខាង​ក្រោយ មានសមត្ថភាពថតវីដេអូបានកម្រិតត្រឹម FullHD ។ លក្ខណៈពិសេសរបស់ស្មាតហ្វូននេះមិនត្រឹមតែផ្ដោតទៅលើរូបរាងនោះទេ តែវាក៏ផ្ដោតទៅលើកម្លាំង​ថ្ម​ទៀត​ផង ព្រោះ HTC បានវិចខ្ចប់បន្ទះថ្មកម្លាំងដល់ទៅ 4000mAh នៅក្នុងម៉ាស៊ីនរបស់ One X10 នេះ ដែលធានា​ទៅ​ដល់ការប្រើប្រាស់លើសេវា 3G បាន 25.5 ម៉ោង ហើយបើបើក Standby ចោលគឺបាន​ដល់​ទៅ 31 ថ្ងៃឯណោះ ចំនែកការប្រើប្រាស់សេវា 4G LTE លើការលេងហ្គេម ប្រើប្រាស់អ៊ីនធឺណែត គឺវា​អាចរស់បានយូរគួសមទៅតាមការប្រើប្រាស់ជាក់ស្ដែង។ One X10 នឹងចេញលក់ក្នុង​ទីផ្សា​រឆាប់ៗខាងមុខនេះឯង ដោយតម្លៃក្នុងទីផ្សារអន្តរជាតិគឺ 355$ ហើយក៏​អាច​នឹង​មកដល់ស្រុកខ្មែរយើងឆាប់ៗ៕

 

You May Read

iPhone ស្ងាត់ទីផ្សារនៅចិន

Published Date: Wednesday, July 26, 2017 10:10 PM

ខណៈធ្លាប់តែមានប្រជាប្រិយភាពខ្លាំងក្នុងទីផ្សារចិន ពេលនេះទូរស័ព្ទ iPhone ហាក់ស្ងាត់បន្ដិត ពុំសូវមានសន្ទុះខ្លាំងដូចមុនប៉ុន្មានទេ ចាប់​តាំងពីឆ្នាំ 2012...

ច្បាស់ហើយ Nokia 8 នឹងបង្ហាញខ្លួននៅខែសីហា នេះ

Published Date: Wednesday, July 26, 2017 09:56 PM

ម្ដងនេះច្បាស់ហើយ ក្រោយពីក្រុមហ៊ុន​ ​Nokia​ ​បាន​អញ្ជើញ​បណ្ដា​សារព័ត៌មាន​អន្តរជាតិ​ធំៗ​(បរទេស)​ ​ដើម្បី​ចូល​រួម​ក្នុង​ពិធី​តាំង​បង្ហាញ​ផលិត​ផល​ថ្មី​...

LG បញ្ចេញស្មាតហ្វូនត្រកូលថ្មី មានសមត្ថភាពខ្លាំង

Published Date: Wednesday, July 26, 2017 11:16 AM

ក្រុមហ៊ុនបច្ចេកវិទ្យាយក្សកូរ៉េ LG បានបង្ហាញនូវបានស្មាតហ្វូនត្រកូល Q8 មួយម៉ូឌែលមានរូបរាងប្លែក សមត្ថភាពខ្លាំង និងមានរូបរាងរឹងមាំ លើអេក្រង់ទំហំ 5.2 អ៊...