Apple ត្រៀមយក iPhone ចាស់ៗមកផលិតឡើងវិញ

Published Date: Friday, April 21, 2017 10:36 PM

ក្រោយប្រកាស់ត្រៀមចូលរួមប្រារព្ធ​នូវ​ទិវា​ភពផែន​ដី (Earth Day) ដែល​ជា​ថ្ងៃ​ចូល​រួម​គាំទ្រ​ក្នុង​កិច្ច​ការ​ពារ​បរិស្ថាន​ពិភព​លោក ក្រុមហ៊ុន Apple ត្រូវបានគេឱ្យដឹងថា កំពុងរៀបចំគម្រោងយកទូរស័ព្ទ iPhone និង iPad រួមនឹងផលិតផលជាច្រើនទៀតដែល​ធ្លាប់​ផលិត​ចាស់ៗ មកកែច្នៃនូវវត្ថុធាតុដែលអាចប្រើឡើងវិញបាន។

Apple បាន​ចេញ​ផ្សាយ​កាល​ពី​ម្សិលមិញ​ឱ្យ​ដឹងថា ក្រុមហ៊ុននឹង​បញ្ឈប់​ការ​ជីក​​រ៉ែ​យក​វត្ថុធាតុ​ដើម​ពី​ផែនដី ហើយនឹង​ចាប់​ផ្ដើម​ផលិត​ផលិតផល​ដោយ​ប្រើ​វត្ថុធាតុ​ដើម​ចាស់ៗ ដែល​អាច​ប្រើ​សារ​ឡើង​វិញ​ដូចជា​អាលុយមីញ៉ូម, ទង់ដែង, សំណ​ប៉ាហាំង និង តង់ស្ដែន​ជា​ដើម។

នាយក​រង​ផ្នែកការអភិវឌ្ឍន៍​គំនិត​ផ្ដួចផ្ដើម​សង្គម ​និង​បរិស្ថាន​របស់​ Apple បាន​ថ្លែង​ថា សព្វ​ថ្ងៃ​កម្លាំង​ថាមពល​ប្រមាណ 96 ភាគរយ​ ដែល​ក្រុមហ៊ុន​ប្រើប្រាស់​ជុំវិញ​ពិភពលោក​ គឺ​បាន​មក​ពី​ការ​កែច្នៃ​ឡើង​វិញ​​ពី​​ប្រភព​ធនធាន​ខ្យល់ ​និង​ពន្លឺ​ព្រះ​អាទិត្យ។ គំនិត​ផ្តួចផ្តើម​លើ​ការ​កែច្នៃ​ថាមពល​ប្រើប្រាស់​ឡើង​វិញ ដើម្បី​ចូល​រួម​អភិវឌ្ឍន៍​ដោយ​ភាព​និរន្ត ​និង​គាំទ្រ​ក្នុង​កិច្ច​ការ​ពារ​បរិស្ថាន​ពិភព​លោក។ យើង​កំពុង​ឆ្ពោះ​ទៅ​កាន់​​សង្វាក់​​ផលិតកម្ម​ដែល​វិល​ចុះ​វិល​ឡើង។ ថ្ងៃ​មួយ​យើង​នឹង​អាច​ផលិត​ផលិតផល​ថ្មី​ដោយ​ប្រើ​តែ​វត្ថុធាតុ​ដើម​ចាស់ៗ​ប៉ុណ្ណោះ”។ យ៉ាងណា​ក្ដី​គោលដៅ​របស់​ Apple នៅ​ថ្ងៃ​មុខ​គឺ​ចង់​​ផលិត​ផលិតផល​ថ្មី​ដោយ​ប្រើ​វត្ថុ​ធាតុ​ដើម​ចាស់​ៗ​មាន​គុណភាព​ខ្ពស់ ដែល​យក​ចេញ​ពី​ផលិតផល​ Apple ចាស់ៗ​ដែល​អតិថិជន​លែង​ប្រើ៕

 

You May Read

ឆ្លើយឲ្យត្រង់ចេញពីចិត្ត គិតស្រឡាញ់អត់បើ Sony ចេញស្មាតហ្វូនរាងចឹងមែន?

Published Date: Monday, January 22, 2018 11:11 PM

កាលពីប៉ុន្មានថ្ងៃមុន​ ហាងយើងខ្ញុំធ្លាប់បានចុះផ្សាយម្ដងហើយស្ដីពីស្មាតហ្វូនគំរូថ្មីដែលក្រុមហ៊ុន Sony អាចនឹងចេញលក់ក្នុងឆ្នាំ 2018 នេះ ជាមួយគ្នានេះ យើង...

Facebook ត្រៀមសាកល្បងបច្ចេកវិទ្យាថ្មីមួយ

Published Date: Monday, January 22, 2018 10:58 PM

ក្រុមហ៊ុនបណ្តាញសង្គមយក្ស Facebook កំពុងតេស្តមុខងារ Story ដែលទើបបានដាក់បញ្ចូលលើលើកម្មវិធីទូរសព្ទចុងក្រោយគេ លើគេហទំព័ររបស់ខ្លួន ដើម្បីបង្កើនការប្រើប្...

ស្មាតហ្វូនអេក្រង់ជួយឲ្យ Apple កើបលុយក្នុងឆ្នាំ 2018

Published Date: Monday, January 22, 2018 10:56 PM

តាមការលើកឡើងរបស់លោក Ming-Chi Kuo អ្នកវិភាគរបស់ក្រុមហ៊ុន KGI Securities បានឲ្យដឹងថា ក្រុមហ៊ុន Apple នឹងកើបលុយច្រើនសម្បើមនៅក្នុងឆ្នាំ ​2018 នេះ ក្រោយ...