Mate 10 Porsche Design ចេញលក់ក្នុងតម្លៃ 1,358 ដុល្លារ នៅ….

Published Date: Thursday, November 16, 2017 11:13 PM

ក្រោយបង្ហាញវត្តមានកាលពីពាក់កណ្តាលខែតុលា ពេលនេះទូរស័ព្ទ Mate 10 Porsche Design ត្រូវបានក្រុមហ៊ុន Huawei សម្រេចចេញលក់ក្នុងទីផ្សារប្រទេសចិនហើយក្នុងតម្លៃ ¥8,999 ឬប្រមាណ $1,358 ដែលជាតម្លៃមួយខ្ពស់គួរសម។

ទូរស័ព្ទ Mate 10 Porsche Design មានតម្លៃថ្លៃជាងទូរស័ព្ទ iPhone X ម៉ូដែល 256GB ដែលមានតម្លៃប្រមាណ $1,149, Galaxy Note 8 ($919) និង LG V30 ($840) សម្រាប់ទីផ្សារអន្តរជាតិ។ ទោះជាយ៉ាងណាតម្លៃរបស់ Mate 10 Porsche Design ដែលចេញលក់ក្នុងប្រទេសចិនគឺរាងធូរថ្លៃជាងបណ្តាទីផ្សារមួយចំនួនដែល Huawei គ្រោងនឹងពាំនាំទៅប្រកាសដាក់លក់។

Mate 10 Porsche Design មានតែមួយម៉ូដែលប៉ុណ្ណោះគឺម៉ូដែល 256GB និងមានតែមួយពណ៌ គឺពណ៌ខ្មៅ (Diamond Black)។ ដោយសារតែវាជាម៉ូដែល Special Edition ដូចនេះ នៅក្នុងប្រអប់របស់វាក៏មានការវ៉ិចខ្ចប់ខុសពីម៉ូដែលបងប្អូនរបស់វាដែរហើយនៅក្នុងប្រអប់គឺមានបន្ថែមនៅកាសស៊េរី Porsche Design Headset និងស្រោមការពារស៊េរី folio ដ៏ស្រស់ស្អាតមួយផងដែរ។ ហើយសម្រាប់គុណសម្បត្តិទូទៅដែលបំពាក់នៅលើម៉ូដែលនេះដូចគ្នាជាមួយនឹងម៉ូដែល Mate 10 Pro ដែរដោយវាមានផ្ទៃអេក្រង់លាតប្រភេទ AMOLED ខ្នាតអេក្រង់ 18:9 aspect ratio ទំហំ 6.0 កម្រិត 1080ppx, ដើរលើបន្ទះឈីប Kirin 970, មានរ៉េមទំហំ 6GB, បំពាក់ប្រព័ន្ធកាមេរ៉ាភ្លោះទំហំ 20MP+12MP, មានកាមេរ៉ាមុខទំហំ 8.0MP, ប្រើប្រាស់ថ្មកំលាំង 4,000mAh, ដំណើរការដោយ Android 8.0 Oreo ដែលស្រោបដោយស្បែក EMUI8.0។

ក្រៅតែពីចេញលក់ក្នុងទីផ្សារប្រទេសចិនទៅ Huawei បានរាយឈ្មោះប្រទេសដែលនឹងត្រូវចេញលក់ Mate 10 Porsche Design ដែលមានដូចជាប្រទេសបារ៉ែន, អេហ្ស៊ីប, បារាំង, អាល្លឺម៉ង់, ចក្រភពអង់គ្លេស, អ៊ីតាលី, គុយវ៉ែត, លីបង់, ម៉ាឡេស៊ី, ហូឡង់, អូម៉ង់, កាតា, អារ៉ាប៊ីសាអូឌីត, សិង្ហបុរី, ថៃ, អាហ្វិ្រកខាងត្បូង,  អេស្ប៉ាញ, ស្វីស និងអារ៉ាប់ ដែលការដឹងជញ្ចូននឹងចាប់ផ្តើមនាដើមខែធ្នូចុងឆ្នាំនេះ។

យ៉ាងណាមិញ សម្រាប់ម៉ូឌែលនេះ អាចប្រហែលមិនមានវត្តក្នុងទីផ្សារកម្ពុជា យើងទេ ខណៈតម្លៃរបស់អាចខ្ពស់ជាងនៅចិនឆ្ងាយ ប៉ុន្ដែអតិថិជនទាំងអស់អាចជ្រើសរើសយកម៉ូឌែលធម្មតា ​គឺ Mate 10 ដែលបច្ចុប្បន្នមានលក់ក្នុងហាង សុខ លី ទាំងពីរសាខាហើយក្នុងតម្លៃត្រឹមតែ 699 $ ប៉ុណ្ណោះ៕

You May Read

ត្រកូល Mate ចេញម្ដង ៤ ស៊េរីឆ្នាំនេះ

Published Date: Thursday, October 18, 2018 12:12 AM

ដូចអ្វីដែលបានគ្រោងទុក ឆ្នាំនេះ ក្រុមហ៊ុនបច្ចេកវិទ្យាចិន Huawei បានធ្វើឲ្យពិភពស្មាតហ្វូន​មាន​ភ្ញាក់​ផ្អើល​​ជាថ្មី ជាមួយនឹងទូរស័ព្ទត្រកូល Mate ទាំង ៤...

Note 9 មាន Ram 6GB កប់បាត់ទៅហើយ ចុះទម្រាំ Mi Mix 3 មាន 10GB ទៀតទៅជាយ៉ាងណា!

Published Date: Wednesday, October 17, 2018 11:22 PM

កាលពី​ថ្ងៃ​ម្សិលមិញ​នេះ ក្រុមហ៊ុន Xiaomi របស់​ចិន​បានបង្ហាញ​នូវ​រូបភាព Teaser Poster បញ្ជាក់​យ៉ាងច្បាស់​នូវ​ពេលវេលា និង​លក្ខណៈពិសេស​មួយ​របស់​កំពូល​...

Google ប្រាប់ថាបក្សកាមេរ៉ាភ្លោះ គ្មានតម្លៃឲ្យខ្លួនចូលនោះទេ

Published Date: Monday, October 15, 2018 11:57 PM

ដូចអ្វីដែលព័ត៌មានជាច្រើនបានចុះផ្សារក្រុមហ៊ុន Google ពិតជាបញ្ចេញកំពូលស្មាតហ្វូនស៊េរីចុងក្រោយ​របស់ខ្លួនជាមួយនឹងកាមេរ៉ាក្រោយចំនួនមួយគ្រាប់ដដែលមែន។ ការ...