Nokia ថាមិនយូរទេ ស្លាកសញ្ញាទូរស័ព្ទខ្លួនត្រលប់មកល្បីឡើងវិញ

Published Date: Tuesday, April 10, 2018 10:26 AM

បន្ទាប់ពីត្រលប់ចូលក្នុងទីផ្សារវិញ ក្រុមហ៊ុន Nokia ដែលស្ថិតនៅក្រោមការគ្រប់គ្រងរបស់ក្រុមហ៊ុន HMD global បានប្រកាសថា ខ្លួននឹងធ្វើសកម្មភាពថ្មីៗជាច្រើន ដើម្បីធ្វើឲ្យស្លាក​សញ្ញា​ទូរស័ព្ទខ្លួន​ត្រលប់មកល្បីឡើងវិញ។

បន្ទាប់ពី​ការប្រកាស​ចេញ​នូវ​ស្មា​ត​ហ្វូ​ន​ស៊េរី​ថ្មី Nokia 2, Nokia 3, Nokia 5និង Nokia 6 កាលពី​ឆ្នាំមុន​រួចមក ពេលនេះ ក្រុមហ៊ុន ក៏​បន្ត​ប្រកាស​ចេញ​នូវ​ស្មា​ត​ហ្វូ​ន Android ចំនួន 4 ម៉ូ​ដែល​ទៀត​ដែល​ទើបតែ​ប្រកាស​បង្ហាញ​អំពី​ខែ​មុននេះ នៅក្នុង​ព្រឹត្តិការណ៍​តាំង​ពិ​ពរណ៍ Mobile World Congress 2018។

លោក Ajey Mehta អនុប្រធាន និង​នាយក​ប្រចាំ​តំបន់​នៅក្នុង​ប្រទេស​ឥណ្ឌា​របស់​ក្រុមហ៊ុន HMD Global បាន​និយាយថា “ស្មា​ត​ហ្វូ​ន Nokia ចំនួន 70 លាន​គ្រឿង​លក់​ទូទាំង​ពិភពលោក ហើយ​ប្រទេស​ឥណ្ឌា ជាទី​ផ្សារ​កំពូល​ទាំង 3 នៅលើ​ពិភពលោក​ក្នុង​ការលក់​ស្មា​ត​ហ្វូ​ន Nokia នេះ។ យើង​មើលឃើញថា គឺមាន​កំណើន​ដល់​ទៅ 5 ដង​នៅក្នុង​រយៈពេល 8 ខែ​នេះ។ នៅក្នុង​ឆ្នាំ 2018 យើង​នឹង​បង្កើន​នូវ​ផលិតផល​ជាច្រើន​បន្ថែមទៀត”។

ក្រុមហ៊ុន HMD Global កំពុងតែ​ពង្រីក​នូវ​កិច្ចសហប្រតិបត្តិការ​រ​បស់​ខ្លួន​ស្រាប់​ប្រតិបត្តិការ​ជាច្រើន។ ក្រុមហ៊ុន​នេះ ក៏បាន​ធ្វើការ​ចូលរួម​ជាមួយនឹង​ក្រុមហ៊ុន Kolkata Knight Riders របស់ Shah Rukh Khan ដែលជា​អ្នក Sponsor ។ លោក Mehta បាប​បញ្ជាក់​បន្ថែមថា “មនុស្ស​ជាច្រើន បាន​សួរ​យើង​ថា យើង​នៅតែ​ធ្វើការ​ផលិត​នូវ​វត្ថុចាស់ៗ​ជា​ច្រើន។ ប៉ុន្តែ​ភាពជា​ដៃគូ​នេះ គឺ​ដើម្បី​បង្ហាញ​ចេញ​នូវ​ស្មា​ត​ហ្វូ​ន Nokia ត្រឡប់មកវិញ។ មនុស្ស​ជាច្រើន​ដឹង​អំពី​ស្មា​ត​ហ្វូ​ន​ Nokia ប៉ុន្តែ​ពួកគេ​មិន​ចង់ដឹងថា​តើ​ស្មា​ត​ហ្វូ​ន Nokia Android គឺជា​អ្វី​នោះទេ។ ភាពជា​ដៃគូ​នេះ នឹង​បន្ត​ជួយ​ឱ្យ​យើង​ធ្វើការ​ផ្សារភ្ជាប់​ជាមួយនឹង​អ្នក​គាំ​ទ្រា​ជាច្រើន”។

នៅក្នុង​ប្រទេស​ឥណ្ឌា ក្រុមហ៊ុន HMD Global បាន​ពង្រីក​ទៅលើ​ក្រុមហ៊ុន​លក់រាយ​ជាច្រើន និង​បណ្តាញ Network ដែលមាន​អ្នក​ចែកចាយ​ចំនួន 510 នាក់​ជាមួយនឹង​ហាង​ចំនួន 100,000 នោះ។ ក្រុមហ៊ុន​ក៏​ចាប់ផ្តើម​លក់​ស្មា​ត​ហ្វូ​ន​នេះ​នៅលើ Nokia Mobile Shop Z(nokia.com/phones) ផងដែរ។ សម្រាប់​ស្មា​ត​ហ្វូ​ន Nokia 1, New Nokia 6 និង Nokia 7 Plus នឹងធ្វើ​ការផលិត​នៅ​ក្រុមហ៊ុន Foxconn facility នៅក្នុង​ប្រទេស​ឥណ្ឌា​ផងដែរ។ ស្មា​ត​ហ្វូ​ន Nokia 8 Sirocco គឺជា​ស្មា​ត​ហ្វូ​ន​ថ្នាក់​ប្រណិត​ដែល​នាំចូល​មកកាន់​ប្រទេស​នេះ។ លោក Mehta បាន​និយាយថា “យើង​កំពុងតែ​អនុវត្តន៍​ទៅតាម​ដំណាក់កាល​នៃ​កម្មវិធី​ជាមួយនឹង​ក្រុមហ៊ុន Foxconn។ យើង​យឺតយ៉ាវ​ប​និ្ត​ច​មែន ប៉ុន្តែ​យើង នឹង​ដំណើរការ​នូវ​ការផលិត​នៅក្នុង​កម្មវិធី​របស់​យើង​ផងដែរ៕

 

You May Read

ត្រកូល Mate ចេញម្ដង ៤ ស៊េរីឆ្នាំនេះ

Published Date: Thursday, October 18, 2018 12:12 AM

ដូចអ្វីដែលបានគ្រោងទុក ឆ្នាំនេះ ក្រុមហ៊ុនបច្ចេកវិទ្យាចិន Huawei បានធ្វើឲ្យពិភពស្មាតហ្វូន​មាន​ភ្ញាក់​ផ្អើល​​ជាថ្មី ជាមួយនឹងទូរស័ព្ទត្រកូល Mate ទាំង ៤...

Note 9 មាន Ram 6GB កប់បាត់ទៅហើយ ចុះទម្រាំ Mi Mix 3 មាន 10GB ទៀតទៅជាយ៉ាងណា!

Published Date: Wednesday, October 17, 2018 11:22 PM

កាលពី​ថ្ងៃ​ម្សិលមិញ​នេះ ក្រុមហ៊ុន Xiaomi របស់​ចិន​បានបង្ហាញ​នូវ​រូបភាព Teaser Poster បញ្ជាក់​យ៉ាងច្បាស់​នូវ​ពេលវេលា និង​លក្ខណៈពិសេស​មួយ​របស់​កំពូល​...

Google ប្រាប់ថាបក្សកាមេរ៉ាភ្លោះ គ្មានតម្លៃឲ្យខ្លួនចូលនោះទេ

Published Date: Monday, October 15, 2018 11:57 PM

ដូចអ្វីដែលព័ត៌មានជាច្រើនបានចុះផ្សារក្រុមហ៊ុន Google ពិតជាបញ្ចេញកំពូលស្មាតហ្វូនស៊េរីចុងក្រោយ​របស់ខ្លួនជាមួយនឹងកាមេរ៉ាក្រោយចំនួនមួយគ្រាប់ដដែលមែន។ ការ...