Samsung ត្រៀមខ្លួនក្លាយជាអ្នកផ្គត់ផ្គង់អេក្រង់ប្រភេទ OLED ឲ្យទៅ Huawei

Published Date: Thursday, June 14, 2018 09:01 AM

ថ្មីៗនេះ​សារព័ត៌មាន The Bell បាន​ឲ្យ​ដឹងថា ក្រុមហ៊ុន Samsung Display កំពុងធ្វើការ​តេស្ត៍​សាកល្បង​គុណភាព និង​សមត្ថភាព ទៅលើ​អេក្រង់​ប្រ​ភ​ទេ OLED ដើម្បី​ត្រៀម​ធ្វើការ​ផ្គត់ផ្គង់​ទៅ​ឲ្យ​ក្រុមហ៊ុន Huawei។

នៅក្នុង​របាយការណ៍​ខាងលើនេះ បានបញ្ជាក់​ទៀតថា ការនាំចេញ​អេក្រង់​នេះ​ទៅកាន់​ប្រទេស​ចិន នឹងត្រូវ​បាន​គេ​រំពឹងថា​អាច​នឹង​ចាប់ផ្តើម​ការនាំចេញ​នៅក្នុង​ត្រីមាស​ទី 3 នៅក្នុង​ឆ្នាំនេះ មានន័យថា ស្មា​ត​ហ្វូ​ន​ថ្មី​ដែល​នឹង​បំពាក់​ជាមួយនឹង​អេក្រង់ OLED ថ្មី​នេះ នឹង​បង្ហាញខ្លួន​នៅ​ឆ្នាំ​ក្រោយនេះ ឬ​នៅ​ដើមឆ្នាំ​ក្រោយ។ ស្មា​ត​ហ្វូ​ន​ស៊េរី​ថ្មី​នេះ ទំនងជា​ស្មា​ត​ហ្វូ​ន​ត្រកូល  Mate Series របស់​ក្រុមហ៊ុន Huawei ឬ​ម៉ូ​ដែល​ផ្សេងទៀត។ ស្មា​ត​ហ្វូ​ន​ថ្មី​នេះ នឹង​ក្លាយជា​ស្មា​ត​ហ្វូ​ន​ដែលមាន​អេក្រង់​ធំ​បំផុត​នៅលើ​ទីផ្សារ ហើយនឹង​ធ្វើការ​ប្រកួត​ប្រជែង​ជាមួយនឹង​ស្មា​ត​ហ្វូ​ន​របស់​ក្រុមហ៊ុន  Samsung Electronics និង​ក្រុមហ៊ុន Apple នៅ​ឆ្នាំនេះ​ជាក់​ជាមិនខាន។

ទាក់ទិន​ទៅនឹង​រឿងរ៉ាវ​ខាងលើនេះ ក៏មាន​លេចលឺ​មាន​ពាក្យ​ចចាមអារ៉ាម​មួយ​ដែរ​ថា ស្មា​ត​ហ្វូ​ន iPhone ដែលមាន​អេក្រង់​ទំហំ 6.46 អឺ​ង របស់​ក្រុមហ៊ុន Apple មាន​គោលដៅ​សម្រាប់​ទីផ្សារ​នៅក្នុង​ប្រទេស​ចិន។ សូម​ជំរាប​ថា យោងតាម​ការបញ្ជាក់រ​បស់​សារព័ត៌មាន Strategic Analytics បាន​បញ្ជាក់ថា ពេលនេះ Huawei គឺជា​ក្រុមហ៊ុន​ផលិត​ស្មា​ត​ហ្វូ​ន​ធំ​បំផុត​ទី 3 លំដាប់​ពិភពលោក ដែលមាន​ចំណែក​ទីផ្សារ​ដល់​ទៅ 11.4% ស្រប​ពេលដែល​ក្រុមហ៊ុន Samsung មាន​ចំណែក​ទីផ្សារ 22.6% និង​ក្រុមហ៊ុន Apple 15.1%៕

 

You May Read

ត្រកូល Mate ចេញម្ដង ៤ ស៊េរីឆ្នាំនេះ

Published Date: Thursday, October 18, 2018 12:12 AM

ដូចអ្វីដែលបានគ្រោងទុក ឆ្នាំនេះ ក្រុមហ៊ុនបច្ចេកវិទ្យាចិន Huawei បានធ្វើឲ្យពិភពស្មាតហ្វូន​មាន​ភ្ញាក់​ផ្អើល​​ជាថ្មី ជាមួយនឹងទូរស័ព្ទត្រកូល Mate ទាំង ៤...

Note 9 មាន Ram 6GB កប់បាត់ទៅហើយ ចុះទម្រាំ Mi Mix 3 មាន 10GB ទៀតទៅជាយ៉ាងណា!

Published Date: Wednesday, October 17, 2018 11:22 PM

កាលពី​ថ្ងៃ​ម្សិលមិញ​នេះ ក្រុមហ៊ុន Xiaomi របស់​ចិន​បានបង្ហាញ​នូវ​រូបភាព Teaser Poster បញ្ជាក់​យ៉ាងច្បាស់​នូវ​ពេលវេលា និង​លក្ខណៈពិសេស​មួយ​របស់​កំពូល​...

Google ប្រាប់ថាបក្សកាមេរ៉ាភ្លោះ គ្មានតម្លៃឲ្យខ្លួនចូលនោះទេ

Published Date: Monday, October 15, 2018 11:57 PM

ដូចអ្វីដែលព័ត៌មានជាច្រើនបានចុះផ្សារក្រុមហ៊ុន Google ពិតជាបញ្ចេញកំពូលស្មាតហ្វូនស៊េរីចុងក្រោយ​របស់ខ្លួនជាមួយនឹងកាមេរ៉ាក្រោយចំនួនមួយគ្រាប់ដដែលមែន។ ការ...