Woow! នេះនែ៎! គំរូស្មាតហ្វូនថ្មីរបស់ Sony ដែលត្រៀមចេញឆ្នាំ 2018

Published Date: Friday, December 8, 2017 02:40 PM

ម្ដងនេះ ប្រហែលអាចជាការពិតហើយ ក្រោយក្រុមហ៊ុន Sony ធ្លាប់ប្រកាសថាខ្លួននឹងប្ដូរទំរងរូបរាងស្មាតហ្វូនជំនាន់ក្រោយ ជាមួយនឹងការបំពាក់នូវសមត្ថភាពកាន់តែខ្លាំង។​ របាយការណ៍ជាច្រើន បាននិយាយអំពីការរចនារូបរាងឡើងវិញសម្រាប់ស្មាតហ្វូនរបស់ខ្លួននៅក្នុងឆ្នាំ 2018 នេះក្តី យើងនៅតែមិនទាន់ជឿជាក់ថា ក្រុមហ៊ុន Sony នឹងសម្រេចចិត្តនៅក្នុងផ្លូវដ៏ត្រឹមត្រូវនោះទេ។

យោងតាមរយៈព័ត៌មានបែកធ្លាយនៅថ្ងៃនេះ ក្រុមហ៊ុន Sony ប្រហែលជាធ្វើការផ្លាស់ប្តូរនូវគោលការណ៍នៃការកែប្រែរបស់ខ្លួនជាក់ជាមិនខាន។ តាមរយៈរូបភាព Screenshot មួយបង្ហាញអំពីលក្ខណៈសម្បត្តិនៃស្មាតហ្វូន Sony ដែលមានលេខកូដ H8541 ដែលទើបតែបែកធ្លាយចេញពីប្រទេសចិន។ Sony H8541 ប្រហែលជាស្មាតហ្វូនដំបូងបំផុត របស់ក្រុមហ៊ុន Sony នៅក្នុងឆ្នាំ 2018 នេះ ដែលមានអេក្រង់ទំហំ 5.7 អ៊ីងកម្រិតភាពច្បាស់ 4K និងកញ្ចក់អេក្រង់ Corning Gorilla Glass 5 ។

បន្ថែមពីនេះទៀត ស្មាតហ្វូននេះ ក៏នឹងមានភ្ជាប់ជាមួយនឹងបន្ទះឈីប Qualcomm Snapdragon 835 processor រ៉េមទំហំ 4GB និងម៉េមូរីទំហំ 64GB។ Sony H8541 មានវិមាត្ររួម 149 x 74 x 7.5mm ដែលតូចជាង និងស្តើងជាងស្មាតហ្វូន Xperia XZ Premium (156 x 77 x 7.9mm)។ បើក្រឡេកមើលទៅ គឺមិនមានការពង្រឹងសមត្ថភាពច្រើននោះទេ បើធៀបជាមួយនឹងស្មាតហ្វូន Xperia XZ Premium ដែលមានអេក្រង់ធំ និងថាមពលថ្មធំ (3,420 mAh) នោះ។ ស្មាតហ្វូន Sony H8541 នឹងដំណើរការជាមួយប្រព័ន្ធប្រតិបត្តិការ Android 8.0 Oreo ប៉ុន្តែស្មាតហ្វូន Xperia XZ Premium បានទទួលនូវការ Update ទៅកាន់ប្រព័ន្ធប្រតិបត្តិការនេះហើយ។ ក្រុមហ៊ុនបច្ចេកវិទ្យារបស់ជប៉ុននេះ ប្រហែលជាមានគម្រោងក្នុងការប្រកាសបង្ហាញស្មាតហ្វូនស៊េរីថ្មីនេះនៅដើមឆ្នាំ 2018 ខាងមុខនេះ៕

 

You May Read

ត្រកូល Mate ចេញម្ដង ៤ ស៊េរីឆ្នាំនេះ

Published Date: Thursday, October 18, 2018 12:12 AM

ដូចអ្វីដែលបានគ្រោងទុក ឆ្នាំនេះ ក្រុមហ៊ុនបច្ចេកវិទ្យាចិន Huawei បានធ្វើឲ្យពិភពស្មាតហ្វូន​មាន​ភ្ញាក់​ផ្អើល​​ជាថ្មី ជាមួយនឹងទូរស័ព្ទត្រកូល Mate ទាំង ៤...

Note 9 មាន Ram 6GB កប់បាត់ទៅហើយ ចុះទម្រាំ Mi Mix 3 មាន 10GB ទៀតទៅជាយ៉ាងណា!

Published Date: Wednesday, October 17, 2018 11:22 PM

កាលពី​ថ្ងៃ​ម្សិលមិញ​នេះ ក្រុមហ៊ុន Xiaomi របស់​ចិន​បានបង្ហាញ​នូវ​រូបភាព Teaser Poster បញ្ជាក់​យ៉ាងច្បាស់​នូវ​ពេលវេលា និង​លក្ខណៈពិសេស​មួយ​របស់​កំពូល​...

Google ប្រាប់ថាបក្សកាមេរ៉ាភ្លោះ គ្មានតម្លៃឲ្យខ្លួនចូលនោះទេ

Published Date: Monday, October 15, 2018 11:57 PM

ដូចអ្វីដែលព័ត៌មានជាច្រើនបានចុះផ្សារក្រុមហ៊ុន Google ពិតជាបញ្ចេញកំពូលស្មាតហ្វូនស៊េរីចុងក្រោយ​របស់ខ្លួនជាមួយនឹងកាមេរ៉ាក្រោយចំនួនមួយគ្រាប់ដដែលមែន។ ការ...